xogactual

Grand Theft Auto IV

2008-05-08T13:59:00.014+02:00

Seguramente sexa o mellor videoxogo da historia polos récords que está facendo só na súa saída: máis de 500 millóns de dólares recaudados (superando ó Halo 3) e supuxo un coste duns 100 millóns de dólares.

Básase na historia dun inmigrante de Europa do Leste que se chama Niko e que chega ós EE.UU coa intención de realizar o soño americano, pero as cousas tórcenselle e ten que facer misións fóra da lei.

Ten uns gráficos impresionantes que se coordinan coa grandísima cidade de Liberty City (Nova Iork), pola que podes ir con gran liberdade. Hai moitas misións e é un xogo case ilimitado polas accións que podes realizar e o longo que é. Ten un gran modo online, unha gran banda sonora (no videoxogo ten varias emisoras de radio), unha gran variedade de armas, un diálogo espectácular para ser un videoxogo e un realismo nas persoas e no conxunto da cidade que parece dunha película.

Este videoxogo sairá á venda cun prezo de 66,90 € para xbox 360 e PS3. Pola espectacularidade deste novo xogo, os expertos danlle unha nota de 10, pero eu espero que me enviedes as vosas opinións e valoracións.

Novo videoxogo de Spider-man para outono

2008-04-15T11:51:00.008+02:00

Ultimamente os videoxogos de Spider-man decepcionaban ós seguidores deste heroe, xa que se baseaban nunha trama lineal das películas que representaban sen que houbera liberdade para o xogador. Con todo, Activision quere lanzar á venda o Spider-man: Web of Shadows, no que se pretende deixar máis liberdade de decisións e accións.

Este xogo salirá á venda en outono para Play 2, Play 3, PSP, XBOX 360, PC, Nintendo DS e Wii. Conta cunha historia orixinal na que se deixará liberdade ó usuario que poderá escoller entre ser un heroe ou un antiheroe e que repercutirá no desenvolvemento do xogo.

Aínda que non hai moitos detalles, os combates terán repercusións na cidade de Nova York
e aparecerán algúns viláns e heroes do Universo Marvel. Sen duda é o videoxogo máis escuro de Spider-man.

Benjamin J. Heckendorn creou un ordenador portátil a partir dunha PS3

2008-04-14T12:00:00.008+02:00

Benjamin colleu unha Play 3 cuns 60 Gb de Disco Duro e púxolle unha pantalla LCD de 17 polgadas, un teclado e uns altofalantes estéreo, que están incorporados nunha carcasa que ten unhas dimensións considerables e pesa máis de 7 Kg. Pódese usar en calquera lugar onde haxa unha toma de corrente.

O autor disto xa fixera portátil unha XBOX 360, unha Wii e outras modificacións.

Os videoxogos facturan case 1500 millóns de euros en España en 2007

2008-02-25T11:45:00.006+01:00

As estimacións de consumo do ocio multimedia e interactivo da aDeSe (Asociación Española de Distribuidores e Editores de Software de Lecer) presentaron un crecemento importante no sector dos videoxogos que chegou aos 1454 millóns de euros, que é o 54% do total de consumo e supera ás taquillas de cine (23%), ás películas en DVD (13%) e á música gravada (10%). Neste sentido, España está no cuarto posto europeo.

O 88,4% do consumo de videoxogos é para consolas, mentres que os de PC van diminuindo as ventas. Os xogos máis vendidos das consolas son os de aventura, e de estratexia para PC.

A videoconsola que posúe o mellor número de ventas dos seus xogos é a Nintendo DS, seguida da PS2, da PS3 e da Wii.

Burnout Paradise

2008-01-28T11:37:00.011+01:00

Chega unha nova versión da saga dos Burnout (EA Burnout Paradise) para as novas videoconsolas (PS3 e Xbox360) que apaixonará ós moitos aficionados dos xogos de carreiras de coches.

Custará uns 67€ que para moitos non serán malgastados xa que os expertos e afeccionados danlle unha moi boa valoración. Mellorou bastante o apartado gráfico e o deseño dos mapas da cidade na que corremos son bastante completos, pero tamén pódese dicir que é un pouco fácil na maior parte do xogo cun principio confuso e ainda que os vehículos son bastante realistas aparecen sen pilotos durante as carreiras.

A pesar dos seus pequenos fallos, a min paréceme que é un bo videoxogo de carreiras pola súa calidade gráfica, realismo nos seus choques, con divertidas e realistas carreiras e cun gran multixogador e modo online. (NOTA: 8.8).

Assssin´s Creed

2008-01-22T11:53:00.005+01:00

No mes de Novembro chegou para Xbox360 e PS3 un dos mellores videoxogos que hai actualmente e que seguramente sexa o mellor xogo de aventura. Para estas videoconsolas ten un precio duns 65€ e para PC de 57€ que aínda non saíu porque se atrasou o seu lanzamento.

Está baseado na terceira cruzada á Terra Santa na que o protagonista que utilizas (chamado Altair) é un asasino que mata os que están en contra da Igrexa e os seus obxectivos.

O videoxogo ten unha calidade gráfica incrible que mostra un gran realismo nos personaxes, nos escenarios e nos entornos, propios das mellores películas de cine. Tamén hai que destacar unha moi boa ambientación histórica polas cidades e contorno daquela época, os controis sobre o personaxe (ataques, movementos...) son espectaculares e é un xogo bastante longo, pero tamén é un pouco repetitivo.

Segundo a miña opinión é o mellor videoxogo que vin (xunto ós GTA) e salvo polo repititivo do xogo ten todo para ser o mellor xogo do momento. Eu doulle un 9.8 e espero as vosas opinións.

Call of Duty 4: Modern Warfare

2008-01-17T13:38:00.000+01:00

Xa está aquí o novo xogo dunha das mellores sagas de videoxogos de acción: Call of Duty 4. Sacárono para ordenador (56.90 €), PS3 (66.90 €), XBOX 360 (66.90 €) e Nintendo DS (36.95 €).
Este novo xogo saíu hai 2 meses e xa está entre os xogos máis vendidos.

Ao contrario das anteriores entregas de Call of Duty, esta non está ambientada na 2ª Guerra Mundial, senón que presenta unha guerra máis actual na que se melloraron os gráficos, os escenarios onde se recrean as accións e a ambientación do novo argumento que se creou.Tamén volve a ser programado por Infinity Ward, que programou todas as entregas excepto a anterior.

Na miña opinión, ten uns gráficos inmellorables, durabilidade dunhas 10 horas, cun realismo incrible e unha ambientación espectacular na que se poden usar armas de todo tipo, pero tamén ten algúns fallos como por exemplo que non dura demasiado e a puntería dalgunhas armas non é moi realista. Eu daríalle unha puntuación de 9.3 porque me parece un xogo bastante avanzado e con moito realismo, tanto que algunhas persoas pensan que estes videoxogos tan violentos e realistas propagan a violencia entre a xente nova. Eu creo que depende da persoa, pero hai que diferenciar o real do virtual.

Agardo os vosos comentarios e opinións acerca deste grande videoxogo.

Dous galegos gañan campionato mundial World of Warcraft

2007-12-18T12:02:00.000+01:00

Francisco Xavier Peña Ojea e Néstor García Trabazo fixéronse co primeiro premio do campionato mundial de World of Warcraft, o mes pasado, en Los Angeles. A grande actuación dos galegos e as dificultades que pasaron fíxoos merecedores dos 30000 dólares de premio.

Nunca pensaron que gañarían o torneo e xa estaban pensando en que se querían gastar o diñeiro.

DBZ: Budokai Tenkaichi 3

2007-12-03T11:37:00.000+01:00

Segundo o que lin e o que probei, o Tenkaichi 3 mellorou con respecto ao anterior título de DBZ. Ten mellores gráficos, máis personaxes, máis combos e ataques. O Tenkaichi 2 era un dos mellores xogos de loita da PS2, pero este supérao e seguramente estea na lista dos máis vendidos do Nadal en España.
Os meus personaxes preferidos son os monos xigantes (ozharu), mutación dalgúns saiyans, que teñen ataques moi poderosos e bastante resistencia.
Na miña opinión, é un dos mellores videoxogos de loita de todas as videoconsolas polo longo que é o xogo e a diversión e enganche que provoca (valoración: 9 sobre 10).
Xa sabedes que podedes enviar os vosos comentarios. ¿Cómo o valorades?

ola mundo!!!!!

2007-10-11T13:42:00.000+02:00

Este é un caderno especializado en videoxogos feito por min, David. Estou facendo un traballo de Técnicas de expresión escrita creando este gran blog. Intentarei poñer para vós os comentarios de todas as noticias e novidades que encontre.